Azərbaycan komandası futzal üzrə dünya çempionatında İspaniyaya məğlub olub

Bakı. 16 sentyabr. REPORT.AZ/ Futzal üzrə dünya çempionatının final mərhələsində Azərbaycan milli komandası ikinci oyununu keçirib.

"Report"un məlumatına görə, F qrupunda yer alan millinin rəqibi Avropa çempionu İspaniya olub.

Komandamız Kolumbiyanın Medellin şəhərindəki "Coliseo İvan de Bedout" idman kompleksində təşkil olunmuş qarşılaşmanı 4:2 hesablı məğlubiyyətlə tərk edib.

Xatirladaq ki, F qrupundakı ilk görüşdə Azərbaycan Mərakeş yığmasına 5:0, İspaniya İrana 5:1 hesabı ilə qalib gəlmişdi. Millimiz qrup mərhələsindəki son oyununu İran yığmasına qarşı keçirəcək.

Dünya çempionatı, qrup oyunları

03:00. Azərbaycan 2:4 İspaniya

Baş hakim: Alessandro Malfer (İtaliya)

Hakimlər: Ondrey Kerni (Çexiya), Paskal Lemal (Belçika)

Medellin. "Coliseo İvan de Bedout" idman kompleksi