Bakı. 5 aprel. REPORT.AZ/ Futzal üzrə dünya çempionatının play-off mərhələsində Azərbaycan və Hollandiya yığmaları arasında keçiriləcək cavab görüşünə hakim təyinatları açıqlanıb. "Report"un məlumatına görə, oyunun birinci hakimi avstriyalı Cerald Baurnfeind olacaq.
İkinci hakim qismində Ukraynadan olan Oleq İvanov meydana çıxacaq. Üçüncü hakim funksiyasını israilli Moşe Bohbot yerinə yetirəcək.
Qeyd edək ki, aprelin 12-də Bakı İdman Sarayında keçiriləcək qarşılaşma saat 20:00-da başlanacaq.