"Qatar Airways" yeni endirim aksiyası keçirir

Bakı. 2 iyun. REPORT.AZ/ “Qatar Airways” aviaşirkəti hər həftə yenilənən endirim təkliflərinə daha birini əlavə edib. Şirkətdən “Report”a verilən məlumata görə, iyunun 2-dən 4-dək bir sıra istiqamətlərdə həyata keçirilən aviareyslər üzrə endirimli bilet almaq mümkündür. Uçuşlar iyunun 30-dək həyata keçirilməlidir.

Göstərilən qiymətlərə bütün güzəştlər, vergilər və xərclər daxildir. Xidmət haqları “Qatar Airways”in satış ofisləri və səyahət agentlikləri vasitəsi ilə alınan biletlər üçün şamil oluna bilər. Güzəştlər rezervasiya zamanı ödənilən və ancaq gediş-dönüşlü biletlərə şamil olunur, məntəqədə qalma müddəti ən azı 3 gün, ən çox 4 ay ola bilər. Bütün səyahətlər uçuş müddətinin son gününə kimi başa çatmalıdır. Biznes sinifli biletlər uçuş tarixinə ən geci 5 gün qalmış, ekonom sinfin biletləri isə 3 gün qalmış alınmalıdır.

Qeyd edək ki, biletlər bir xidmət ilə əvəz edilə bilməz və başqa adama həvalə edilə bilməz. Seçilmiş istiqamətdən və səyahət sinfindən asılı olaraq biletin tarixi cərimə ilə dəyişilə bilər. Tranzit məntəqəsində vaxtından artıq qalmaq olmaz, uşaq və körpələr üçün standart güzəştlər tətbiq olunur.