Bakı. 20 iyun. REPORT.AZ/ Nəqliyyat naziri Ziya Məmmədov iyunun 24-də Samux şəhərində Daşkəsən, Göygöl və Samux rayonlarında yaşayan vətəndaşları qəbul edəcək.
Nəqliyyat Nazirliyindən "Report"a daxil olan məlumata görə, qəbulda vətəndaşların müraciətlərinə baxılacaq, sonradan mövcud nəqliyyat problemləri araşdırılacaq və onların həlli barədə müzakirlər aparılacaq.
Qəbula gəlmək istəyən vətəndaşların qeydiyyatı iyunun 23-də saat 09:00-dan 18:00-dək müvafiq olaraq Samux şəhəri (Heydər Əliyev prospekti), Göygöl şəhəri (Fikrət Əmirov küçəsi,2) və Daşkəsən şəhəri (Heydər Əliyev prospekti,4) ünvanlarında aparılacaq.