Bakı. 11 iyul. REPORT.AZ/ Bakı metrosunun “Neftçilər” stansiyasının keçidlərində aparılan təmir işləri başa çatıb.
Bunu "Report"a “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.
Onun sözlərinə görə, “Neftçilər” metro stansiyasının hər iki keçidində təmir işləri artıq yekunlaşıb. Keçidlərin divarlarındakı üzlüklər dəyişdirilib: "Hazırda “Qara Qarayev” metro stansiyasının keçidlərində təmir işləri aparılır. Keçidlərdən birində artıq mərmərlərin düzülməsinə başlanılıb. Digər keçiddə də paralel olaraq təmir işləri davam etdirilir. Təmir zamanı keçidlərdə sərnişinlərin hərəkəti məhdudlaşdırılmayıb".