Bakı. 16 aprel. REPORT.AZ/ Bu ilin birinci rübündə Naxçıvan Muxtar Respublikasında 362-si əhali, 53-ü qeyri-əhali olmaqla, 415 müxtəlif təyinatlı obyektlərə yeni qaz xətləri çəkilib, muxtar respublika üzrə təbii qaz istehlakçılarının ümumi sayı 86 mini ötüb.
"Report" xəbər verir ki, bu barədə “Naxçıvanqaz” İstehsalat Birliyindən bildirilib.
Məlumata görə, ilin birinci rübündə qəza dispetçer xidmətləri 6 218 sızma aşkarlayaraq aradan qaldırıb, istismara yararsız olan qaz sayğacları yenilənib. Naxçıvan şəhərində smartkart tipli sayğacların quraşdırılması işi davam etdirilib, rüb ərzində 345 yeni qaz sayğacı istismara verilib.