Bakının əsas prospekti bağlanır

Bakı. 3 iyun. REPORT.AZ/ Bakı şəhərində Heydər Əliyev prospektinin Babək qovşağından Sabunçu qovşağınadək olan hissəsi iyunun 6-da 16:00-dan növbəti gün saat 02:00-dək ümumi nəqliyyatın hərəkətinə bağlı olacaq.

“Report” Nəqliyyatı İntellektual İdarəetmə Mərkəzinə istinadən bildirir ki, eyni vaxtda Mehdi Hüseyn küçəsinin Parlament prospekti dairəsindən Teymur Elçin küçəsi ilə kəsişməsinədək olan hissəsi iyunun 6-da 16:00-dan növbəti gün saat 02:00-dək ümumi nəqliyyatın hərəkətinə bağlı olacaq.

Qeyd edək ki, buna səbəb iyunun 12-də başlanacaq "Bakı-2015" Avropa Oyunlarından öncə həmin gün Olimpiya Stadionunda keçiriləcək sınaq tədbiridir.