Bakıda yanan binanın ətrafında yollar bağlanıb

Bakı. 19 may. REPORT.AZ/ Bakı şəhərinin Azadlıq prospektində yerləşən binada baş vermiş yanğın nəticəsində ərazidə nəqliyyat vasitələrinin hərəkəti məhdudlaşdırılıb. "Report"un verdiyi xəbərə görə, bu barədə Nəqliyyatı İntellektual İdarəetmə Mərkəzindən bildirilib. 

Sürücülərə alternativ olaraq Şövkət Məmmədova küçəsindən istifadə etmələri tövsiyə olunur.

Qeyd edək ki, Azadlıq prospekti, 200 ünvanındakı hündürmərtəli binada yanğın başlayıb. Hadisə yerinə FHN-in yanğınsöndürənləri cəlb edilib. Hadisə ilə bağlı əlavə məlumat veriləcək.