Bakı. 26 avqust. REPORT.AZ/ Bakı-Böyük Kəsik dəmir yolu dəhlizində Bakıdan Gəncə şəhərinə qədər olan yarımstansiyalar artıq qurulub. Layihə üzrə siqnalizasiya sistemi yenilənib və hazırda elektrik təchizatında dəyişikliklər edilir. Bunu "Report"a "
Onun sözlərinə görə, bu dəhlizdə qatarların hərəkətinə nəzarət etmək üçün Bakıda xüsusi dispetçer məntəqəsi yaradılacaq: "Qatarlar oradakı mikroprosessor əsasında idarə olunacaq. Bu, maşinistlə danışmağa, nasazlıq baş verdiyi təqdirdə məlumat ötürməyə imkan verir".
Qeyd edək ki, Dünya Bankı ilə həyata keçirilən layihə çərçivəsində “Bombardier-TransSignalRabitə" podratçı şirkəti bu istiqamətdə indiyə kimi 1, 2 və 3-cü hissələr üzrə işçi layihələr hazırlayıb. Birinci hissədə Böyük Kəsik-Gəncə sahəsində işlər başlayıb. Böyük Kəsik-Ağstafa hissəsində 13 stansiyadan 5-də işlərin 80%-ə qədəri görülüb. İlk hissənin kabel işlərinin əsas hissəsi həyata keçirilib.