​Azərbaycan daha 5 "Stadler" qatarı ala bilər

Bakı. 11 fevral. REPORT.AZ/ Azərbaycan İsveçrənin "Stadler Rail Group" şirkətindən daha 5 ədəd elektrik qatarı ala bilər.

"Report" xəbər verir ki, bu barədə şirkətin İdarə Heyətinin sədri və sahibi Peter Şpuler məlumat verib.

O Azərbaycanın 3 qatar aldığını, 2 qatarın isə artıq göndərilmək üzrə olduğunu bildirib:

"Üç qatar artıq Azərbaycandadır, daha ikisi göndərilməyə hazır vəziyyətdədir. Həmçinin daha 5 qatarın Azərbaycana satılma ehtimalı var", - deyə o əlavə edib.