Bakı. 17 sentyabr. REPORT.AZ/ Sentyabrın 29-da YARAT Müasir İncəsənət Mərkəzində rejissor Asif Rüstəmovun "Axınla aşağı" bədii filminin təqdimatı olacaq.
"Report" xəbər verir ki, bu barədə məlumatı "Azərbaycanfilm" kinostudiyası yayıb.
Filmdə baş rolları Namiq Ağayev, Mehriban Zəki, Aleksandra Andrejevska, Teymur Məmmədov və digərləri canlandırıblar.
Qeyd edəki ki, Karlovy Vary beynəlxalq film festivalının tarixində Azərbaycan ilk dəfə olaraq bu filmlə müsabiqə proqramında iştirak edib. Bugünədək film bir çox beynəlxalq film festivallarında iştirak edib və müxtəlif nominasiyalar üzrə mükafatlara layiq görülüb. “Axınla aşağı”filmi rejissor Asif Rüstəmovun debüt tammetrajlı bədii filmidir.
Qeyd edək ki, filmin nümayişi sual-cavab bölümü ilə davam edəcək.