Bakı. 31 mart. REPORT.AZ/ Bakı Uşaq Teatrında Azərbaycanın satirik şairi Mirzə Ələkbər Sabirin "Oxutmuram, əl çəkin!" şeiri əsasında eyniadlı tamaşa hazırlanır.
Bu barədə "Report"a Bakı Uşaq Teatrının bədii rəhbəri İntiqam Soltan açıqlama verib.
Hazırda məşqlərin getdiyini deyən İntiqam Soltan bu tamaşanın təhsilə yardım proqramına dəstək olaraq hazırlandığını bildirib.
Həmçinin Teatrda şərti adı "Dovşanın evi" olan alleqorik əsər hazırlanır. Əsəri teatrın sifarişi ilə Arzu Soltan yazıb.
Uşaqlar üçün yazılan tamaşada müasir dövrlə səsləşən, aktual mövzulara toxunulub.