"Mənim günahım" tamaşasının premyerası gələn ay olacaq

Bakı. 27 fevral. REPORT.AZ/ Akademik Milli Dram Teatrı yeni tamaşanın premyerasına hazırlaşır.

"Report" xəbər verir ki, görkəmli dramaturq İlyas Əfəndiyevin 100 illik yubileyi münasibətilə hazırlanan "Mənim günahım" tamaşasının ilk nümayişi martın 6-da olacaq.

Teatrdan verilən xəbərə görə, tamaşa hazırdır.

Qeyd edək ki, tamaşanın quruluşçu rejissoru, xalq artisti Mərahim Fərzəlibəyovdur.

Baş rolları xalq artisti Məleykə Əsədova və əməkdar artist Elşən Rüstəmov ifa edir.