"Mahmud və Məryəm" filminin türk aktrisası dünyasını dəyişib

Bakı. 5 oktyabr. REPORT.AZ/ Türkiyənin tanınmış aktrisası Tomris İncer vəfat edib.

"Report" xəbər verir ki, bu barədə məlumatı aktyor Levent Kazak yayıb.

67 yaşında dünyasını dəyişən aktrisa xərçəng xəstəliyindən əziyyət çəkirdi.

Qeyd edək ki, Tomris İncer 1948-ci il martın 16-da Bolqarıstanda doğulub. 1974-cü ildən İstanbul Şəhər Teatrında çalışıb. Türkiyənin film və seriallarında rol alan Tomris İncer Azərbaycan tamaşaçılarına "Mahmud və Məryəm" filmindən yaxşı tanışdır.