Bakı. 29 oktyabr. REPORT.AZ/ Azərbaycanın xalq artisti Fuad Poladov ötən gün Akademik Milli Dram Teatrında son tamaşasına çıxıb.
"Report" xəbər verir ki, o, Erik Emmanuel Şmitdin eyniadlı əsəri əsasında səhnələşdirilən “Müsyo İbrahim və Quran çiçəyi” tamaşasında Müsyö İbrahim obrazını canlandırıb.
İki hissəli tamaşanın quruluşçu rejissoru Ərşad Ələkbərovdur. Tamaşada Fuad Poladovla yanaşı Murad İsmayılov, Sabir Məmmədov, Şəlalə Şahvələdqızı, Mehriban Zəki və digər aktyorlar yer alıb.
Tamaşa zamanı zalda anşlaq olub. Sonda Fuad Poladov pərəstişkarları ilə vidalaşıb.
F.Poladov aktyor Hikmət Rəhimovun teatrdan getməsinə etiraz əlaməti olaraq Akademik Milli Dram Teatrından ayrılıb. O, karyerasını Rus Dram Teatrında davam etdirəcək.