Britaniyanın məşhur aktyoru vəfat edib

Bakı. 25 may. REPORT.AZ/ Britaniyanın məşhur aktyoru Bert Kvuk vəfat edib.

"Report" xəbər verir ki, aktyor 86 yaşında dünyasını dəyişib.

Qeyd edək ki, 1930-cu ildə Britaniyada doğulan aktyorun uşaqlığı Şanxayda keçib. O, "Çəhrayı pantera" serialında ifa etdiyi Kato Fonqa obrazı ilə tamaşaçıların sevimlisinə çevrilib. Aktyor 7 televiziya filmində də çəkilib. B.Kvuk 1975-ci ildən 1993-cü ilədək daimi səhnədə olub və xeyli filmdə rol alıb. 

B.Kvuk 2011-ci ildə Britaniya İmperiyasının kavaleri ordeni ilə təltif edilib.