Bakı. 1 mart. REPORT.AZ/ Beynəlxalq Muğam Mərkəzi mart ayına maraqlı tədbirlər planı hazırlayıb.
Bu barədə "Report"a Beynəlxalq Muğam Mərkəzindən məlumat verilib.
Martın 4-də mərkəzdə "Türk ədəbiyyatı günləri" çərçivəsində Nazim Hikmətə həsr olunmuş anım mərasimi keçiriləcək.
Martın 8-də Beynəlxalq Qadınlar günü münasibətilə muğam konserti təşkil ediləcək. Konsertdə Azərbaycanın tanınmış muğam ifaçıları bayram konserti ilə çıxış edəcək.
Martın 22-də isə Beynəlxalq Muğam Mərkəzi görkəmli şair, dramaturq Cəfər Cabbarlının doğum günü münasibətilə tədbir keçirəcək.