Akademik Milli Dram Teatrının yeni saytı fəaliyyətə başlayıb

Bakı. 28 noyabr. REPORT.AZ/ Azərbaycan Dövlət Akademik Milli Dram Teatrının yeni saytı fəaliyyətə başlayıb.

"Report" xəbər verir ki, yeni dizaynla fəaliyyət göstərən saytda Milli Dram Teatrı haqqında məlumatlar, xəbərlər, videoslaydlar toplanıb.

www.azdrama.az saytına daxil olan hər kəs Akademik Milli Dram Teatrı haqqında ümumi məlumat, teatrın afişası, repertuarı, teatr xəbərləri və hazırda Milli Dram Teatrında gedən tamaşaların məşqləri barədə ətraflı məlumat ala bilərlər.