Bakı. 9 sentyabr. REPORT.AZ/ Akademik Milli Dram Teatrı bəzi mətbuat orqanlarında xalq artisti İlham Əsgərovun "üç" mərasimində iştirak etmək istəyənlərə teatrın rəhbərliyi tərəfindən nəqliyyat vasitəsinin ayrılmaması ilə bağlı yayılan xəbərlərə münasibət bildirib.
Teatrın mətbuat xidmətindən "Report"a bildirilib ki, bu məsələ ilə bağlı Akademik Milli Dram Teatrının direktoru İsrafil İsrafilova heç bir müraciət daxil olmayıb: "Əgər bizə belə müraciət daxil olsaydı, sözsüz ki, teatrın öhdəsində olan nəqliyyat vasitəsi mərasimdə iştirak etmək istəyənlər üçün ayrılardı".