Bakı. 11 avqust. REPORT.AZ/ Azərbaycan sentyabrın 16-18-də Aşqabadda keçiriləcək “Türkmentel-2015” VIII beynəlxalq telekommunikasiya, telemetriya, informasiya texnologiyaları və teleradio avadanlığı sərgi-konfransında təmsil olunacaq.
Tədbirdə 20 ölkədən 100 şirkətin iştirakı gözlənilir. Sərgi və konfransda texnoparklar, "ağıllı" ev, biznes kommunikasiyalar, elektron hökumət ilə bağlı mövzularda nümayişlər və təqdimatlar iştirakçıların diqqətinə çatdırılacaq.