Bakı. 22 fevral. REPORT.AZ/ Azərbaycanda dövlət qurumlarına xidmət edən data mərkəzə ehtiyat qida mənbəyinin qoşulması ilə əlaqədar dövlət strukturlarına aid internet informasiya resurslarına girişdə qısamüddətli fasilələr müşahidə olunub.
"Report" xəbər verir ki, bu, Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin xəbərində deyilir.
Məlumata görə, ehtiyat qida mənbələrinin qoşulması və digər texniki təhlükəsizlik tədbirləri davam etdirilir.
"Görünən təhlükəsizlik tədbirləri ilə bağlı qısa zamanda əlavə məlumat veriləcək", - deyə agentlikdən bildirilib.