Bakı. 24 fevral. REPORT.AZ/ "Azercell" tabeliyində olduğu "TeliaSonera" şirkətindəm topladığı təcrübəni daha da gücləndirəcək və öz strategiyasına sadiq olaraq qalacaq.
"Report" xəbər verir ki, bunu "Azercell" şirkətinin prezidenti Vahid Mürsəliyev şirkətin 2015-ci ildəki fəaliyyətinə dair keçirilən mətbuat konfransında bildirib.
Onun sözlərinə görə, gələcəkdə yeni səhmdarının kim olacağı hələ ki, məlum deyil:
"Amma inanıram ki, yeni səhmdarın kim olmasından asılı olmayaraq, o "Azercell"in prinsiplərini, strategiyasını qoruyub saxlayacaq. "Azercell" isə özünü daha da inkişaf etdirəcək".
*** 12:21
"Azercell Telecom" MMC Azərbaycanın mobil rabitə bazarının 48%-nə nəzarət edir. Onun şəbəkəsi ölkə əhalisinin 99,8%-ni əhatə edir.
"Report"un verdiyi xəbərə görə, bunu "Azercell Telecom" MMC-nin prezidenti Vahid Mürsəliyev bugün keçirilən şirkətin 2015-ci ildəki fəaliyyətinə həsr olunumuş mətbuat konfransında bildirib.
Onun sözlərinə görə, 2015-ci ilin sonuna "Azercell"i seçən abunəçilərin sayı 4,5 mln. nəfərdən çox olub.
"Ötən il "Azercell" dövlət büdcəsinə təxminən 123 mln. manat vəsait ödəyib. 2015-ci ildə "Azercell" ödəmələrinin büdcədəki xüsusi çəkisi təqribən 1,51% təşkil edib", - V.Mürsəliyev deyib.