​Azərbaycanda daha bir qeyri-bank təşkilatı "e-Hökumət" portalına qoşulub

Bakı. 5 iyul. REPORT.AZ/ Azərbaycanda daha bir bank olmayan kredit təşkiları (BOKT) müştərilərinə "Elektron hökumət" portalı üzərindən iş, yaşayış yeri və digər tələblər üzrə arayışların əldə olunması imkanı yaradıb. Bu barədə "Report"a Rabitə və Yüksək Texnologiyalar Nazirliyi yanında Məlumat Hesablama Mərkəzindən (MHM) məlumat verilib.

Məlumata görə, söhbət "Merkuri" BOKT-dan gedir. Bununla da, elektron arayış sisteminə qoşulmuş BOKT-ların sayı 6-ya çatıb.

Bundan başqa, hazırda 24 bank və 1 lizinq şirkəti də MHM-lə əməkdaşlıq edir.