Bakı. 15 fevral. REPORT.AZ/ Azərbaycanda rəqəmsal yayıma keçidin stimullaşdırılması məqsədilə "Ailə TV" kabel televiziyası ("Caspian Telecom" şirkətinin ticarət nişanı) növbəti kampaniyaya start verib. "Caspian Telecom"un mətbuat xidmətindən "Report"a verilən məlumata görə, kampaniyanın şərtlərinə əsasən, 2-ci "HD Resiver" əldə edərək rəqəmsal yayıma qoşulan abunəçilər abunə olduqları tarif üzrə tam bir ay "Ailə TV"ni pulsuz izləyəcəklər.
Kampaniya martın 31-dək qüvvədədir.
Qeyd edək ki, analoq yayımdan fərqli olaraq rəqəmsal yayımda abunəçilərə daha geniş imkanlar təqdim etmək mümkündür. Rəqəmsal yayım abunəçiləri daha keyfiyyətli şəkildə daha çox telekanal izləmək imkanına malikdirlər, eləcə də EPG (Elektron Proqram Bələdçi) funksiyası ilə telekanalların proqramını birbaşa öz televizorlarında izləyə bilərlər.