​Azərbaycanla Pakistan arasında ikitərəfli hərbi əməkdaşlıq protokolu imzalanıb

Bakı. 31 mart. REPORT.AZ/ Bu gün Silahlı Qüvvələrin Təlim və Tədris Mərkəzində Azərbaycan-Pakistan İşçi Qrupunun görüşü davam edib.

Müdafiə Nazirliyinin mətbuat xidmətindən "Report"a verilən məlumata görə, Pakistan İslam Respublikasının Birləşmiş Qərargahının Xarici Hərbi Əməkdaşlıq Baş İdarəsinin direktoru general-mayor İftixar Vayn ölkədə səfərdə olmaqdan məmnun qaldığını, Azərbaycan və Pakistanın qardaşlıq əlaqələrinin kökündə tarixi bağlılığın, dini və mədəni əlaqələrin böyük rol oynadığını vurğulayıb. 

O, Azərbaycanla ikitərəfli hərbi əməkdaşlıq əlaqələrinin gücləndirməsi istiqamətində Pakistanın mövqeyinin dəyişilməz olduğunu bildirib.

Görüş zamanı qərarların icra vəziyyəti nəzərdən keçirilib, yeni mövzular müzakirə olunaraq 2015-ci ilin ikitərəfli hərbi əmkdaşlıq planına daxil edilib.

Görüşün sonunda ikitərəfli hərbi əməkdaşlıq barədə protokol imzalanıb.