Xaçmazda yanında silah olan meyit tapılıb

Bakı. 18 noyabr. REPORT.AZ/ Xaçmaz rayonunun Baraxum kənd sakininin meyiti öz bağında tapılıb. “Report”un xəbərinə görə, 1979-cu il təvəllüdlü Elçin Arzumanovun meyiti tapılarkən yanında tüfəng də olub.

Hadisə yerinə Xaçmaz Rayon Prokurorluğunun əməkdaşları gəlib. Onun intihar etdiyi ehtimal olunur.

Ölümün dəqiq səbəbləri araşdırmalardan sonra məlum olacaq.