Bakı. 26 aprel. REPORT.AZ/ Tovuzun Əlimərdanlı kənd sakini, 2 uşaq atası Müşfiq Hüseynov baş nahiyəsindən güllələnərək qətlə yetirilib.
"Report" xəbər verir ki, 43 yaşlı fermerin meyiti özünə məxsus avtomobilin yük yerində kənd qəbiristanlığının yanında aşkar edilib.
Dərhal hadisə yerinə Tovuz rayon Polis şöbəsinin əməkdaşları cəlb edilib. Meyit tapıldığı yerdən Məhkəmə-Tibbi Ekspertiza və Patoloji-Anatomiya Birliyinin Tovuz rayon şöbəsinə gətirilib. Qətlin kim tərəfindən və hansı səbəblərdən törədildiyi araşdırılır.
Faktla bağlı Tovuz rayon Prokurorluğunda cinayət işi açılıb.