Bakı. 30 noyabr. REPORT.AZ/ Bakı Apellyasiya Məhkəməsində “Texnikabank” Açıq Səhmdar Cəmiyyətinin “Azərinşaat TT” Məhdud Məsuliyyətli Cəmiyyətinə (MMC) qarşı apellyasiya şikayəti üzrə məhkəmə işi başa çatıb.
“Report”un məlumatına görə, birinci instansiya məhkəməsinin çıxardığı qərardad dəyişdirilmədən saxlanılıb.
Qeyd edək ki, bu il “Azərinşaat TT” bankı məhkəməyə verib. 2 saylı Bakı İnzibati-İqtisadi Məhkəməsinə müraciət edən MMC pul vəsaitlərinin hesaba köçürülməsi barədə tələb irəli sürüb. Məhkəmə aidiyyəti barədə vəsatəti rədd edib. Qərardan narazı qalan “Texnikabank” ASC apellyasiya şikayəti verib.