Tərtərdə yerli sakini traktor vurub, vəziyyəti ağırdır

Bakı. 7 noyabr. REPORT.AZ/ Tərtər rayonunda kənd sakinini “Belarus” markalı traktor vurub.

“Report” xəbər verir ki, hadisə rayonun Seyidimli kəndində baş verib.

Yaralı Novruzov Məhərrəm Həsən oğlu ilkin olaraq Tərtər Rayon Mərkəzi Xəstəxanasına aparılsa da, vəziyyəti ağır olduğundan Bərdə Rayon Mərkəzi Xəstəxanasına göndərilib.

Rayon polisində hadisənin təfərrüatları araşdırılır.