Bakı. 28 may. REPORT.AZ/ Tərtərdə bədbəxt hadisə nəticəsində bir nəfər ölüb. "Report" bu barədə Daxili İşlər Nazirliyinin rəsmi saytına istinadən xəbər verir.
Məlumata görə, mayın 27-də Tərtər rayonunun Köçərli kəndində Mansur Kərimli idarə etdiyi “Zoomlion” markalı qaldırıcı kran vasitəsilə beton plitələri Mahir Orucovun idarə etdiyi “Shacman” markalı avtomobilə yükləyərkən beton plitə M.Orucovun üstünə düşüb. O xəstəxanaya aparılarkən yolda ölüb.
Faktla əlaqədar Cinayət Məcəlləsinin müvafiq maddəsi ilə cinayət işi başlanıb.