Sumqayıtda zavoddan oğurluq edən 3 nəfər tutulub

Bakı. 13 iyul. REPORT.AZ/ Sumqayıtda zavoddan oğurluq edən 3 nəfər tutulub.

"Report" Daxili İşlər Nazirliyinin rəsmi saytına istinadən xəbər verir ki, Sumqayıt Şəhər Polis İdarəsinin 2-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində iyulun 11-də “Azərkimya” İB-nin “Etilen-Polietilen” zavodunun balansında olan ərazidən 154 metr dəmir borunu hissələrə bölüb oğurlamağa cəhd göstərən Bərdə rayon sakini Firdovsi İsayev, Bakı şəhər sakini Bəhrəm Cəfərov və Sumqayıt şəhər sakini Ərəstun Yusifov tutulub.

Faktla bağlı araşdırma aparılır.