Sumqayıtda yataqxanada yanğın olub, bir nəfər xəsarət alıb

Bakı. 26 iyul. REPORT.AZ/ Sumqayıtda yataqxanada yanğın olub, bir nəfər xəsarət alıb.

"Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata görə, iyulun 25-də saat 14 radələrində Sumqayıt şəhəri A.Vurğun küçəsindəki yataqxanada yaşayan Ağdam rayon sakini Eldar Səfərovun otağında yanğın baş verib.

Nəticədə hamam otağında 20 kvm. sahə, su qızdırıcısı və paltaryuyan maşın yanıb, yanıq xəsarəti almış E.Səfərov xəstəxanaya yerləşdirilib.