Bakı. 22 yanvar. REPORT.AZ/ Ötən gecə sərxoş sürücü aeroport yolunda qəza törədib.
”Report”
Hadisə şahidlərinin məlumatına görə, qəzaya "VAZ 2107" ilə ara məsafəsi saxlamayan "Mercedes"in sürücüsü səbəb olub. Qəza zamanı sürücülər xəsarət almasalar da, hər iki avtomobilə ciddi ziyan dəyib.
Hadisə yerinə Suraxanı rayon Polis İdarəsinin Yol Polisi Şöbəsinin əməkdaşları gəliblər. "Mercedes"in sürücüsü Kərim Mirzəyev sərxoş olduğundan həkim müayinəsinə cəlb olunub.
Qəza ilə bağlı aeroport yolunun bu hissəsində nəqliyyatın hərəkəti bir müddət məhdudlaşdırılıb
Faktla bağlı Dövlət Yol Polisinin Suraxanı Rayon Şöbəsində araşdırma aparılır.