Şəmkir. 11 avqust. REPORT.AZ/ Şəmkirdə 6 nəfərin xəsarət alması ilə nəticələnən yol qəzası baş verib.
“Report”un Qərb bürosunun məlumatına görə, Kür qəsəbəsinə gedən yolda naməlum avtomobil yol ilə hərəkət edən at arabasını vuraraq hadisə yerindən uzaqlaşıb.
Qəza zamanı arabada olan 1988-ci il təvəllüdlü Mətləb Məmmədov, onun həyat yoldaşı Tərlan, övladları 6 yaşlı Uğur, 2 yaşlı Ayşən və onların qohumları 2001-ci il təvəllüdlü Aidə Məmmədova və 2007-ci il təvəllüdlü Rauf Məmmmədov müxtəlif bədən xəsarətləri alaraq Şəmkir Mərkəzi Rayon Xəstəxanasına yerləşdirilib.
Faktla bağlı araşdırma aparılır.