Şəki. 12 oktyabr. REPORT.AZ/ Şəki rayonunda bazarda baş verən yanğın söndürülüb. “Report”un Şimal-qərb bürosunun xəbərinə görə, Şəki şəhərində ümumi sahəsi 2 ha olan “Şəki Bazar” ASC-nin ərazisində 90 ədəd bir-birinə bitişik geyim əşyaları satışı konteynerləri və 20 ədəd satış piştaxtalarının yanar konstruksiyaları və içərisində olan mallar 1200 m2 sahədə yanıb. Bazarın qalan hissəsi yanğından mühafizə olunub.
Yanğınsöndürənlər yanğını söndürüb.
*** 08:42
Şəki bazarında yanğın başlayıb.
"Report" xəbər verir ki, nəticədə ticarət mərkəzinin bir hissəsi yanıb.
Alovun söndürülməsinə Qax və Şəki rayonlarının yanğınsöndürənləri cəlb edilib.
Yanğının hazırda davam etdiyi bildirilir.