Samux. 1 oktyabr. REPORT.AZ/ Samux rayonunda 1 nəfərin ağır yaralanması ilə nəticələnən yol qəzası baş verib.
Gəncə şəhər Təcili Tibbi Yardım Xəstəxanasından "Report"un Qərb bürosuna verilən məlumata görə, Samux rayon Sərkar kənd sakini, 1980-ci il təvəllüdlü Nişad Nəsibov müxtəlif dərəcəli bədən xəsarətləri ilə xəstəxanaya gətirilib.
Dərhal əməliyyat edilən yaralı Reanimasiya şöbəsinə yerləşdirilib. Onun vəziyyətinin orta-ağır olduğu bildirilir. Yaxınlarının dediyinə görə, N.Nəsibov idarə etdiyi "VAZ" markalı avtomobil ilə qəzaya düşərək yaralanıb.
Faktla bağlı araşdırma aparılır.