​Samux sakinini ilan sancıb

Samux. 31 may. REPORT.AZ/ Samuxda ilansancma hadisəsi qeydə alınıb. 

"Report"un Qərb bürosu xəbər verir ki, rayonun Sərkar kənd sakini, 1984-cü il təvəllüdlü Elcan Tağıyev həyətyanı sahədə işləyərkən ilan onun əlindən sancıb. Gəncə şəhər Təcili Tibbi Yardım Xəstəxanasına yerləşdirilən yaralıya dərhal ilan zəhəri əleyhinə zərdab vurulub.

Xəstəxanadan "Report"a onun vəziyyətinin ağır olduğunu bildiriblər.