Salyanda həyətyanı sahələrə su dolub

Bakı. 5 mart. REPORT.AZ/ Salyan şəhərində yağan qarın əriməsi nəticəsində həyətyanı sahələrə su dolub.

“Report” Fövqəladə Hallar Nazirliyinin (FHN) rəsmi saytına istinadən xəbər verir ki, FHN-nin “Böhran Vəziyyətlərində İdarəetmə mərkəzinə” daxil olmuş məlumata cavab olaraq nazirliyin müvafiq qurumları qeyd olunan ərazidə qar suyunun çəkilməsi prosesini həyata keçiriblər.

Əməliyyat saat 17:00-da başa çatıb.