Sabunçuda narkotik maddə satmaqda şübhəli bilinən iki nəfər tutulub

Bakı. 17 oktyabr. REPORT.AZ/ Bakıda narkotik maddə satmaqda şübhəli bilinən Cəlilabad rayon sakini olan iki nəfər tutulub.

Bu barədə “Report”a Bakı Şəhər Baş Polis İdarəsindən məlumat verilib.

Məlumata görə, Sabunçu Rayon Polis İdarəsinin (RPİ) Narkotiklərlə Mübarizə Bölməsinin keçirdiyi əməliyyat tədbirləri nəticəsində, Cəlilabad rayon sakini Fərman Hüseynov 0,354 qram heroini satmaq istəyərkən tutulub. Daha sonra ona narkotik maddə satan həmyerlisi Məhəmməd Süleymanov da yaxalanıb.

Faktla bağlı araşdırma aparılır.