Sabunçuda 29 yaşlı gənc bıçaqlanıb

Bakı. 1 sentyabr.REPORT.AZ/ Bakının Sabunçu rayonunda bıçaqlanma hadisəsi baş verib. Sabunçu rayon Polis İdarəsindən (RPİ) Report-a verilən məlumata görə, hadisə zamanı Sabunçu qəsəbə sakini 29 yaşlı Anar Mirzəyev bıçaqlanıb.

Yaralı ağır vəziyyətdə 3 saylı Şəhər Xəstəxanasına çatdırılıb. Müayinə zamanı həkimlər onun bədəninin müxtəlif nahiyələrində çoxsaylı bıçaq yaraları aşkar ediblər. Hadisə barədə isə Sabunçu RPİ və 12-ci polis bölməsində araşdırma  başlanılıb.

İlkin məlumata görə, Anar Mirzəyev yaşadığı evin yaxınlığında hələlik məlum olmayan səbəblərdən tanımadığı şəxslə mübahisə edib və nəticədə bıçaqlanıb.

Polislər həmin şəxsin axtarışlarını davam etdirir.