Sabunçuda ölümlə nəticələnən yol-nəqliyyat hadisəsi baş verib

Bakı. 3 sentyabr. REPORT.AZ/ Sabunçu rayonunda ölümlə nəticələnən yol-nəqliyyat hadisəsi baş verib.

"Report"un xəbərinə görə, bu barədə Daxili İşlər Nazirliyinin (DİN) saytı məlumat yayıb.

Hadisə sentyabrın 3-də gecə saat 03:00 radələrində rayonunun Pirşağı qəsəbəsində qeydə alınıb. Abşeron rayon sakinləri - Samir Əhmədovun idarə etdiyi “Mercedes” və Elvin Məmmədzadənin idarə etdiyi “Hyundai” markalı avtomobillər toqquşub. Nəticədə E.Məmmədzadə hadisə yerində ölüb.

Faktla bağlı Sabunçu Rayon Polis İdarəsi (RPİ) tərəfindən araşdırma aparılır.