Bakı. 24 may. REPORT.AZ/ Bakının Sabunçu rayonunda oğurluq hadisəsi baş verib.
“Report”un xəbərinə görə, rayonun Yeni Ramana qəsəbəsi, Dimitrov küçəsi, ev 12/2 ünvanında yaşayan 1982-ci il təvəllüdlü Bəhruz Həsənov evdə olmadığı zaman naməlum şəxslər açar seçmə yolu ilə onun evindən 14 000 manat pul və 35 000 manat dəyərində qızıl-zinət əşyaları oğurlayıblar.
Faktla bağlı Cinayət Məcəlləsinin 177.2.3 (oğurluq, yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) və 177.3.2-ci (külli miqdarda ziyan vurmaqla törədildikdə) maddələri ilə cinayət işi başlanıb, araşdırma aparılır.