Rusiyada axtarışda olan şəxs Azərbaycanda tutulub

Bakı. 30 yanvar. REPORT.AZ/ Rusiyada axtarışda olan şəxs Azərbaycanda tutulub.

"Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata görə, Bakı Şəhər Baş Polis İdarəsinin Cinayət Axtarışı İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rusiyanın Cinayət Məcəlləsinin 105 (qəsdən adam öldürmə), 162, 209, 162, 163 və 222-ci (prosesual hərəkətlərin aparılması) maddələri ilə axtarışda olan Murad Məmmədov tutulub.