Rusiyada axtarışda olan Şəmkir sakini tutulub

Bakı. 30 sentyabr. REPORT.AZ/ Rusiya Federasiyasında axtarışda olan Şəmkir  rayon sakini tutulub. "Report" Daxili İşlər Nazirliyinin (DİN) mətbuat xidmətinə istinadən xəbər verir ki, Şəmkir Rayon Polis Şöbəsinin (RPŞ) əməkdaşlarının keçirdiyi əməliyyat-axtarış tədbirləri nəticəsində rayon sakini Sabir Məmmədov tutulub.
Şəmkir RPŞ-dan bildirilib ki, S.Məmmədov Rusiya Federasiyası Cinayət Məcəlləsinin 162-ci (quldurluq) və 163-cü (dələduzluq) maddələri ilə axtarışda olub.
Faktla bağlı araşdırmalar davam etdirilir.