Bakı. 21 noyabr. REPORT.AZ/ Qazax rayonunda ölümlə nəticələnən yol-nəqliyyat hadisəsi baş verib. “Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Belə ki, noyabrın 19-da saat 23:00 radələrində rayonun 2-ci Şıxlı kəndində Tovuz rayon sakini Ramin Məmmədov idarə etdiyi “Mercedes” markalı avtomobillə yolu keçən Ağcabədi rayon sakini Etibar Məmmədovu vurub. Xəstəxanaya yerləşdirilən E.Məmmədov ötən gün orada ölüb.
Baş Dövlət Yol Polisi İdarəsi (BDYPİ) tərəfindən araşdırma aparılır.