​Paytaxtda yaşayış binasında 17 elektrik sayğacı yanıb

Bakı. 14 avqust. REPORT.AZ/ Paytaxtın Nərimanov rayonunda yanğın baş verib.

"Report"un məlumatına görə, bu barədə Fövqəladə Hallar Nazirliyi xəbər yayıb.

Məlumata görə, Nərimanov rayonunda 5 mərtəbəli yaşayış binasının pilləkən qəfəsinin 2-ci mərtəbəsində quraşdırılmış elektrik lövhəsində 17 ədəd elektrik sayğacı yanıb.

Yaxınlıqdakı mənzillər yanğından mühafizə olunub. Yanğın saat 14:14-də yanğınsöndürənlər tərəfindən söndürülüb.