Bakı. 13 aprel. REPORT.AZ/ Bakı Apellyasiya Məhkəməsində oğurluqda təqsirləndirilən Kamran Kamal oğlu Axundov barəsində olan hökmdən verilmiş apellyasiya şikayəti üzrə məhkəmənin hazırlıq iclası başlayıb.
“Report”un xəbərinə görə, hakim Mirzəli Abbasovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin baxş iclası aprelin 25-nə təyin edilib.
Qeyd edək ki, K.Axundov 2015-ci ildə Bakıda oğurluq etməkdə şübhəli bilinərək saxlanılıb. O, Cinayət Məcəlləsinin 177.2.4-cü (oğurluq, xeyli miqdarda ziyan vurmaqla törədildikdə) maddəsi ilə ittiham olunub.
2016-cı il fevralın 19-da Nərimanov Rayon Məhkəməsinin hökmü ilə K.Axundov 3 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.