Bakı. 26 may. REPORT.AZ/ Azərbaycanda ödəmə terminalından oğurluq etməkdə şübhəli bilinən şəxslər saxlanılıb.
“Report”un xəbərinə görə, bu barədə DİN-in rəsmi saytı məlumat yayıb.
Məlumata görə, Tərtər Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində aprelin 17-də rayon ərazisindəki mağazalardan birindən 2100 manat və orada quraşdırılmış “E-manat” ödəmə terminalından 674 manat pul oğurlamış rayon sakinləri Elçibəy Göygözlü və Əli Quluzadə tutulublar.
Araşdırmalar davam etdirilir.