Bakı. 8 iyul. REPORT.AZ/ Bakının Sabunçu rayonunda intihar hadisəsi baş verib.
"Report"un xəbərinə görə, hadisə rayonun Maştağa qəsəbəsinin “Savalan” yeni yaşayış massivində qeydə alınıb.
Orada yaşayan 1995-ci il təvəllüdlü Azər Məmmədov özünü evin tavanından elektrik naqili ilə asaraq intihar edib.
O, Naxçıvan Muxtar Respublikası Babək rayonunun Şıxmahmud kəndində qeydiyyatda olub.
Faktla bağlı Sabunçu Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb. İstintaq davam etdirilir.