Masallıda yanğın hadisəsi olub

Bakı. 9 yanvar. REPORT.AZ/ Masallı rayonunda evdə yanğın baş verib. “Report” Fövqəladə Hallar Nazirliyinin (FHN) rəsmi saytına istinadən xəbər verir ki, vətəndaşa məxsus ümumi sahəsi 520 kv.m olan ikimərtəbəli, 6 otaqlı evin 2-ci mərtəbəsində bir otağın yanar konstruksiyaları ev əşyaları ilə birlikdə 16 kv.m sahədə və dəhlizin tavanı 14 kv.m sahədə yanıb. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.